अभिनेता अनमोल केसी हाजिरी जमानीमा रिहा

ठगी गरेको आरोपमा पक्राउ परेका अभिनेता अनमोल केसी हिरासतमुक्त भएका छन् ।जिल्ला अदालतले तीदिन हिरासतमा राख्न अनुमति दिए पनि उनलाई अनुसन्धानका लागि हिरासतमा राख्नुपर्ने अवस्था नदेखिएकाले हाजिरी जमानीमा छाडिएको हो ।

शुक्रबार साँझ ‘अपराधिक विश्वासघात’को आरोपमा पक्राउ परेका केसीलाई जिल्ला अदालत काठमाडौंले आइतबारसम्मका लागि मात्र हिरासतमा राख्न अनुमति दिएसँगै प्रहरीले उनलाई छाडेको छ ।जिल्ला प्रहरी परिसर काठमाडौंका अनुसार अब उनले प्रहरीले बोलाएको खण्डमा उपस्थित हुनु पर्ने छ। तर, हिरासत बाहिरै बसेर मुद्दा लड्न पाउनेछन्।