दिपेन्द्र लुइटेल
भोजपुर ।नेपाल् रेडक्रस सोसाइटी भोजपुर जिल्ला शाखाले आफ्नो ३८ औं बार्षिक साधारण सभा सम्पन्न गरेको छ । साधारण सभाको दिप प्रजोलन गर्दै जिल्ला समन्वय समितीका प्रमुख लक्षमण खड्का र नगर प्रमुख कैलाश कुमार आलेले कार्यक्रमको सुरुवाती गर्नु भएको थियो ।
यसै रेडक्रस जिल्ला शाखाको सभापति तुलबहादुर शुब्बाले रेडक्रस जस्तो मानवीय सेवामा समर्पित सेवालाइ थप सकृय बनाउन अनुरोध समेत गर्नु भयो । रेडक्रसलाई “जहाँ नपुगे रबि ,त्यहा पुगे कवि “भनेझैं बिपदको क्षेत्रमा कृयाशिल रहेको स्मरण गराउदै भोजपुर शाखाको उत्कृष्ट रहेको शुब्बाले बताउनु भयो ।
यसैगरी शुभकामना मन्तव्यमा समन्वय समितीका प्रमुख लक्षमण खडका, नेपाली काङ्ग्रेस जिल्ला सभापति बिनोद बान्तवा ,एकीकृत समाजबादी पाटिका सभापती चक्र तमाङ उद्योग बाणिज्य संघका अध्यक्ष ध्रुवलाल श्रेष्ठ लागाएतले सुभकामना व्यक्त गर्नु भएको छ ।
जिल्ला अस्पताल भोजपुरमा सञ्चालनमा आएको ब्लड बैंकलाई थप सहयोग पुर्याउन खुल्ला रक्तदान कार्यक्रम समेत सञ्चालन गरेको थियो ,उक्त कार्यक्रममा ३ जनाले ब्लड डोनेसन समेत गर्नु भएको छ । ब्लड डोनेशन गर्नेमा भोजपुर दावाको सुदेश श्रेष्ठ ,हेलौछाको डम्बर बा गुरुङ र भोजपुर ८ का सन्तोष तिवारीले रक्तदान गर्नु भएको थियो ।
जिल्ला शाखाले उत्कृष्ट ३ वटा उपशाखालाई नगद सहित सम्मान गरेको छ । जिल्ला भरी ३६ वटा उपशाखा बाट ९७ जनाको उपस्थित रहेको थियो ।
