कचनकवल। नेपाल सिङ्गिङ् सुपरस्टारका टप १६ का प्रतिस्पर्धी दिपक सापकोटालाई जिताउनका लागि कचनकवलमा सामुहिक अभियान थालिएको छ। नेपालकै चर्चित रियालिटी शोको टप १६ पुगेका दिपक सापकोटा जिताउनको लागि “दिपक भान्जा” जिताऔं अभियन थालिएको छ।
बगान युथ क्लब, बनियानी युवा परिवार क्लब र कचनकवल साहित्यिक मञ्चको संयुक्त आयोजामा भएको उक्त कार्यक्रममा विशिष्ट अतिथिमा कचनकवल गाउँपालिका उपाध्यक्ष नवराज भट्टराई र इलाका प्रहरी कार्यालय बनियानीका प्रहरी नायब निरीक्षक कुल प्रसाद सापकोटा रहेका थिए। त्यस्तै, कार्यक्रमको मुख्य आकर्षणका रुपमा सा.रे.ग.म.प लिटलस् च्याम्सकी विजेता कृपा पौडेल रहेकी थिइन् भने के.बि.एस डान्स स्टुडियोले दुइवटा नृत्य प्रस्तुत गरेको थियो साथै स्थानिय कलाकारहरुको बेजोड प्रस्तुति रहेको कार्यक्रम सञ्चालक मनिष बरालले जानकारी दिए।
नेपाल सिङ्गिङ् सुपरस्टार सिजनका टप १६ का प्रतिस्पर्धी भान्जालाई टाइटल जिताउँनका लागि डिजिटल भोटिङ् रहेको हुँदा नेपालबाट OSR CONNECT एप्लिकेसन डाउनलोड गरेर र देश बाहिरबाट Khalti.com को वेबसाईट मार्फत भोट गर्न सक्नुहुनेछ।
