मोरङ। मोरङको जहदा गाउँपालिका ३ बाट लागूऔषध गाँजा ओसारपोसारमा संलग्न एम्बुलेससहित दुई जनालाई प्रहरीले पक्राउ गरेको छ ।
लागूऔषध नियन्त्रण ब्यूरो विराटनगर र वडा प्रहरी कार्यालय हाटखोलाबाट खटिएको प्रहरी टोलीले जहदा गाउँपालिका ३ स्थितमा स १ च ६५६ नम्बरको एम्बुलेन्सलाई चेकजाँच गर्दा उक्त एम्बुलेन्सभित्र कालो रंगको झोलामा लुकाईछिपाई राखेको अवस्थामा ३३ किलो ६१० ग्राम लागूऔषध गाँजा बरामद गरेको हो ।
गाँजा बरामद भएसँगै ओसारपोसारमा संलग्न एम्बुलेन्स चालक विराटनगर ५ का ३२ वर्षीय दुर्गा प्रसाद राजवंशी र एम्बुलेन्स सँगै रहेका को ३१ प ८८८९ नम्बरको मोटरसाइकल चालक जहदा गाउँपालिका ३ का ३२ वर्षीय दिलिप कुमार राजवंशीलाई नियन्त्रणमा लिइएको छ ।
पक्राउ परेका दुवै जनामाथि थप अनुसन्धान भइरहेको प्रहरीको भनाइ छ ।
यो समाचार तपाईलाई कस्तो लाग्यो??
+1
+1
+1
+1
+1
+1
+1
