रकेट आक्रमणमा ११ पाकिस्तानी प्रहरीको मृत्यु

पाकिस्तानमा प्रहरीमाथि रकेट आक्रमण हुँदा ११ जनाको मृत्यु भएको छ ।

पाकिस्तानको पञ्जाब राज्यमा अज्ञात समूहले प्रहरीको टोलीलाई लक्षित गरी भएको आक्रमणमा दर्जनभन्दा बढी घाइते भएका छन् ।

अन्तर्राष्ट्रिय सञ्चार माध्यमहरूका अनुसार आक्रमणकारीले केही प्रहरीलाई बन्धक बनाएर लगेका छन् । पञ्जाब प्रहरीका अनुसार मृत्यु हुनेको सङ्ख्या बढ्न सक्छ ।

यसैबीच, विद्यालयको भ्यानमाथि आक्रमण हुँदा २ जना बालबालिकाको मृत्यु भएको थियो ।