कचनकवल।
सामाजिक विकास मन्त्रालय, कोशी प्रदेश, कचनकवल गाउँपालिका र करूणा फाउण्डेशन नेपालको त्रिपक्षीय लागत साझेदारी साथै राष्ट्रिय अपाङ्ग महासंघ नेपाल काेशी प्रदेशको प्राविधिक सहयोग सञ्चालित अपाङ्गता रोकथाम तथा पुनःस्थापना कार्यक्रम (DPRP) अन्तर्गत दुई दिने बचत, ऋण व्यवस्थापन तथा नेतृत्व विकास सम्बन्धी तालिम हिजो र आज सम्पन्न भएको छ।
तालिम अपाङ्गता भएका व्यक्तिहरूको नेतृत्वमा रहेका मिलिजुली समूहहरूको अध्यक्ष, सचिव तथा कोषाध्यक्षहरूलाई लक्षित गरी सञ्चालन गरिएको हो। तालिममार्फत सहभागीहरूलाई बचत र ऋण व्यवस्थापनमा सहजीकरण गर्ने सीप तथा नेतृत्व विकासका विषयमा ज्ञान प्रदान गरिएको आयोजकले जनाएका छन्।
मा कचनकवल गाउँपालिकामा सञ्चालनमा रहेको DPRP कार्यक्रम अन्तर्गत सातै वडामा कार्यरत मिलिजुली समूहहरूलाई बिऊँपूजी स्वरूप प्रत्येक समूहलाई ५० हजारका दरले एकमुष्ठ ३ लाख ५० हजार रुपैयाँ कचनकवल अपाङ्गता संस्था लाई उपलब्ध गराउने भएको छ। उक्त पूँजीलाई बीउकाे रूपमा नमासिने गरी सञ्चालनमा ल्याई सहकारिकाे माेडेलमा लैजाने र अपाङ्गता भएका व्यक्तिहरूको जीविकोपार्जनमा टेवा पुर्याउने उद्देश्य राखिएको छ।
