अमेरिकामा फोन हराएपछि कप्तान किरण चेम्जोङकाे सामाजिक सञ्जाल ह्याक

काठमाडौँ । नेपाली राष्ट्रिय फुटबल टोलीका कप्तान किरण चेम्जोङको मोबाइल फोन हराएको छ । मङ्गलबार फेसबुकमा एक पोस्ट राख्दै उनले अमेरिकाको ड्यालस, टेक्सासमा फोन हराएको र त्यसपछि आफ्ना सामाजिक सञ्जाल अकाउन्टहरू पनि ह्याक भएको जानकारी दिएका छन् ।

यो जानकारी चेम्जोङकै आधिकारिक फेसबुक पेजमार्फत दिइएको छ । स्टाटसमा लेखिएको छ, “आज मैले ड्यालस, टेक्सासको डाउनटाउनमा आफ्नो फोन हराएँ । त्यसपछि मेरा सामाजिक सञ्जाल अकाउन्टहरू ह्याक भएका छन् । कृपया मैले यो समस्या समाधान नगरेसम्म मबाट आउने कुनै पनि मेसेज वा पोस्टलाई बेवास्ता गरिदिनुहोला ।”