आँखा जचाउन झापा आएका भारतीय नागरिकको सुतेकै ठाउँमा मृत्यु

झापा। आँखाको उपचार गर्नको लागि भारतबाट मेची आँखा अस्पताल आएका एक भारतीय नागरिकको होटलमा सुतेको अवस्थामा मृत्यु भएको छ।

मेची आँखा अस्पताल सैनिकमोड आएर बिर्तामोड– ३ मा बलराम खनालले सञ्चालन गरेको आसाम भवन एण्ड लजमा कात्तिक २७ गतेबाट कोठा भाडामा लिई बस्दै आएका भारतको सोनिकपुरका ५६ वर्षीय रामबहादुर भुजेल ओछ्यानमै मृत अवस्थामा फेला परेका हुन्।

आज बिहान ७ः३० बजे भुजेल ओछ्यानमै मृत अवस्थामा रहेको उनको साथमा ५६ वर्षीय धनबहादुर लामाले जानकारी गराएका थिए। घटनाबारे अनुसन्धान भइरहेको प्रहरीले जनाएको छ।