बुधबारे । आदर्श माध्यमिक विद्यालय बुद्धशान्ति २ जयपुर झापाको प्रधानाध्यापक पदमा हरिप्रसाद पोखरेल नियुक्ति भएका छन् । विद्यालयका माध्यमिक तह द्वितीय श्रेणीका शिक्षक हरिप्रसाद पोखरेलाई बिहीबार विद्यलय व्यवस्थापन समितिले निर्णय गर्दै नियुक्ति प्रदान गरेको विद्यालय व्यवस्थापन समितिका अध्यक्ष जीवनकुमार पोखरेलले बताएका छन् ।
उनले २०७१ जेठ ७ गतेदेखि २०८१ भदौ १२ गतेसम्म प्रधानाध्यापक पदमा रही विद्यालयको शैक्षिक, भौतिक, आर्थिक उन्नयनमा अहोरात्र लाग्नुहुने निवर्तमान प्रधानाध्यापक करुणकुमार पराजुलीलाई धन्यवाद तथा आभार प्रकट गरेका छन् ।
त्यसैगरी प्राविधिक धारतर्फ कम्प्युटर इन्जिनियरिङ तहमा प्राविधिक इन्चार्ज पदमा समेत लोचनानन्द खतिवडालाई नियुक्ति गरिएको छ । नियुत्ति पश्चात हरि प्रसाद पोखेरेलले विद्यालयको शैक्षिक गुणस्तर बृद्धिको लागी थप योजना बनाएर काम गर्ने समेत बताएका छन् ।
