आन्दोलनबाट फर्किँदै गरेका शिक्षक सवार बस दुधेमा दुर्घटना, १६ घाइते

झापा। शिक्षक आन्दोलनमा सहभागी भई घर फर्किंदै गरेका शिक्षकहरू चढेको यात्रुवाहक बस झापाको दुधेमा दुर्घटनामा परेको छ।

काठमाडौँबाट झापाको काँकरभिट्टा तर्फ आउँदै गरेको प्रदेश १-०१-००१ ख ४२३५ नम्बरको नाइट बस शिवसताक्षी नगरपालिका–९, दुधेस्थित मिलन चोकमा अनियन्त्रित भई पल्टिएको जिल्ला प्रहरी कार्यालय झापाले जनाएको छ।

EPIC EPIC EPIC EPIC EPIC

दुर्घटनामा परी आन्दोलन सकेर घर फर्किरहेका १६ जना शिक्षक घाइते भएका छन्।

प्राप्त विवरणअनुसार घाइतेमध्ये श्याम (सन्तोष) आचार्य, सिताराम रिमाल, पदम पौडेल, कमला मगर, शान्ति राई, मीनबहादुर पौडेल, लीलाप्रसाद भण्डारी र सिर्जना प्रसाईँको बिर्तासिटी अस्पतालमा उपचार भइरहेको छ।

त्यस्तै, टेकचन्द्र फुयाँल, गोपाल खतिवडा, टेकेन्द्र ढकाल, लोकनाथ ढकाल, पूर्णबहादुर योगी, अनिल विक, शान्तिप्रसाद उप्रेती र सिताराम अधिकारीको बिएनसी अस्पतालमा उपचार भइरहेको छ।

अस्पताल स्रोतका अनुसार सबै घाइतेहरूको अवस्था खतरामुक्त रहेको छ। केही शिक्षकको टाउकोमा चोट लागेको छ भने अन्यका शरीरका विभिन्न भागमा सामान्य चोटपटक लागेको जनाइएको छ।

हाल सबै घाइतेहरूको उपचार उनीहरूका आफन्तको उपस्थितिमा भइरहेको छ।

दुर्घटनामा संलग्न बस र चालकलाई इलाका प्रहरी कार्यालय झिल्झिलेले नियन्त्रणमा लिएको छ। घटनाबारे थप अनुसन्धान जारी रहेको प्रहरीले जनाएको छ।

यो समाचार तपाईलाई कस्तो लाग्यो??
+1
0
+1
0
+1
0
+1
0
+1
0
+1
0
+1
0
EPIC EPIC EPIC EPIC EPIC

लेखकको बारेमा

palika-sandesh

पालिका सन्देश

Leave a Reply

Your email address will not be published. Required fields are marked *