इजरायल-हामसको युद्धमा मृत्यु भएका आनन्द साहको शव धनुषा लगियाे, आजै राति अन्त्येष्टि

इजरायलले प्यालेस्टाइनको गाजा क्षेत्रमा गरेको हवाइ आक्रमणबाट मृत्यु भएका धनुषाका आनन्द साहको शव घर ल्याइएको छ ।

नेपाली सेनाले आफ्नो विशेष विमानबाट शनिबार धनुषाको लक्ष्मीनियाँ गाउँपालिका-४ स्थित सपहीमा रहेको उनको घरमा ल्याइ दिएको हो ।

विमानबाट शनिबार अपराह्न साढे ५ बजे जनकपुरधाम विमानस्थलमा उनको शव ल्याइएको थियो । विमानस्थलबाट नेपाली सेनाकै टोलीले स्कर्टिङ गरेर आनन्दको शवलाई उनको घर पुर्याएको हो ।

उनको शव ल्याइएपछि घरपरिवारसहित गाउँबासी शोकमग्न एवं भावविह्वल भएका छन् । शनिबार राति नै आनन्दको अन्त्येष्टि गर्ने तयारी गरिएको छ ।