नेपाली कराँते खेलाडी एरिका गुरुङ १९ औं एसियाली खेलकुदको महिला ६८ केजी तौल समूहमा ऐतिहासिक रजत पदक प्राप्त गरेकी छिन् ।
फाइनलमा ओलम्पिक पदकधारी कजाकस्तानकी सोफ्या बेर्लुत्सेभासँग पराजित हुँदा एरिका रजतमा सिमित भइन् । एरिकाले कराँते इतिहासमा नै एसियाडको पहिलो रजत पदक जितेकी हुन्।
एरिकाले सेमिफाइनलमा हङकङकी यान काइ होलाई ८-४ को अन्तरमा जित दर्ता गर्दै फाइनलमा प्रवेश गरेकी थिइन् । फाइनलमा एरिका काजकिस्तानकी बेरुल्टसेवा सोफियासँग ३–० ले पराजित भईन् ।
सुरुआतदेखिनै रक्षात्मक देखिएकी एरिकाले फाइनलमा स्कोरनै बटुल्न सकिनन् । युकोमा तीन अंक बटुल्दै काजकिस्तानकी सोफियाले कुमितेको ६८ केजीमाथिको तौल समूहमा स्वर्ण पदक हात पारिन् ।
यसअघि क्वाटरफाइनलमा एरिकाले जापानकी युजुकी सावाएलाई हराएकी थिइन् । उनले १-१ को बराबरी हुँदा सेन्शु (पहिलो अंक जोडेको) आधारमा जित निकालेकी थिइन् ।
एरिका एसियाली खेलकुदमा रजत पदक जित्ने इतिहासमै दोस्रो खेलाडी भएकी छन् । यसअघि सबिता राजभण्डारीले करातेमै एसियाडमा रजत पदक जितेकी थिइन् ।
यसअघि तेक्वान्दोकी सविता राजभण्डारीले सन् १९९८ मा थाइल्याण्डमा भएको एसियाली खेलकुदमा रजत पदक जितेकी थिइन् ।
सन् २०१८ मा इन्डोनेसियामा भएको जकार्ता एसियाडमा प्याराग्लाइडिङको टिम इभेन्टमा नेपालले रजत पदक जितेको थियो। फाइनल जितेकी भए एरिका एसियाली खेलकुदमा स्वर्ण जित्ने नेपालको पहिलो खेलाडी हुने थिइन् ।
