कचनकवल। कचनकवल गाउँपालिका-७ (साबिक वडा नं. ८, फर्साडागी) निवासी मृगौला पीडित मोतीलाल राजबंशीलाई नेपाली कांग्रेसको पहलमा आर्थिक सहयोग प्रदान गरिएको छ। लामो समयदेखि दुबै मृगौला फेल भई उपचार खर्च जुटाउन संघर्षरत राजबंशीलाई समाजसेवी, जनप्रतिनिधि तथा स्थानीय नेताहरूको सहकार्यमा २७ हजार ८ हजार सहयोग संकलन गरी हस्तान्तरण गरिएको हो।
सहयोग संकलन अभियानमा समाजसेवी हरि सिक्देल तथा वडा सदस्य फागुलाल राजबंशीको विशेष भूमिका रहेको थियो। उक्त सहयोग राशि एक औपचारिक कार्यक्रमका बीच हस्तान्तरण गरिएको हो, जहाँ नेपाली कांग्रेस झापा जिल्ला सहसचिव कालेन्द्र प्रसाद राजबंशी, प्रदेश उपसभापति भरत राजबंशी, नेपाली कांग्रेस कचनकवल गाउँ समिति सभापति तुलाराम अधिकारी, महिला संघ सभापति सेलेतुन खातुन, वडा सभापति रमेश पौडेललयातको उपस्थिति रहेको थियो।
कार्यक्रमका कचनकवल गाउँपालिका अध्यक्षसमेत रहेका कालेन्द्र प्रसाद राजबंशीले सहकार्य र सहयोगको महत्व उजागर गर्दै स्थानीय स्तरबाट अझै थप सहयोग आवश्यक रहेको बताए। साथै, अध्यक्ष राजवंशीले पीडितका लागि गाउँपालिकाबाट आवश्यक सरकारी सुविधाहरू उपलब्ध गराउने प्रतिबद्धता व्यक्त गर्दै, थप सहयोग जुटाउन सबै पक्षले हातेमालो गर्नुपर्नेमा जोड दिए।
कार्यक्रमको अन्त्यमा मोतीलाल राजबंशीको शीघ्र स्वास्थ्य लाभको कामना गर्दै उपस्थित सबैले निरन्तर सहयोग अभियानलाई अघि बढाउने प्रतिबद्धता जनाए।
