कचनकवल। इलाका प्रहरी कार्यालय केचनाले भारतबाट अवैध रुपमा भित्र्याउन लागिएको प्रतिबन्धित ८० केजी माछा नष्ट गरेको छ ।
इलाका प्रहरी कार्यालयका प्रहरी सहायक निरीक्षक राज कुमार यादवको कमान्डमा खटिएको टोलीले शनिबार कचनकवल गाउँपालिका वडा नम्बर ४ को नेपाल भारत सिमाना ११७ नं. पिलरबाट अवैध रुपमा भारतबाट लुकाइछिपाइ नेपाल ल्याउँदै गरेको अवस्थामा ८० केजी ( अन्दाजी चौबीस हजार मूल्य बराबरको ) माछा फेला पारेको थियो ।
प्रहरीले उक्त माछाको पोकाहरु बरामद गरी इलाका प्रहरी कार्यालय केचनामा ल्याएका थिए । पम्प्लेट र सिलेन प्रजातिका माछा रहेको इलाका प्रहरी कार्यालयका प्र.स.नि यादवले बताए। ती माछाहरुस्थानीय जनप्रतिनिधि, स्थानीय र बोर्डर आउट पोस्ट खुट्टामुनिको रोहबरमा खाल्डोमा पुरी नष्ट गरिएको थियो ।
कचनकवल गाउँपालिकामा कात्तिक १ गतेबाट भारतीय माछा बिक्रीवितरण पूर्णरुपमा प्रतिबन्ध लगाइएको छ।
