कचनकवलमा नक्कली उपभोक्ता बनाई दिपज्योती बन उपभोक्ता समितिले काठ बेच्दै

कचनकवल। कचनकवल ७ स्थित दिपज्योती सामुदायिक बन समितिले कृत्रिम ९ उपभोक्ता खडा गरी काठ बेचेको पाइएको छ।

आर्थिक अवस्था कमजोर रहेका आसारी राजवंशी लगायत ९ व्यक्तिहरुको नाममा ७५ किवी काठ बेचेको पाइएको हो।

चण्डी भट्टामा रहेको काठ चिराउने मिलमा सखुवाका ३ गोला नक्कली उपभोक्ताको नाममा वरामद भएपछि घटना बाहिरिएको हो।

अर्को एक घटनामा बालुबाडीको चक्र राजवंशीले ५किवी काठ २४०० का दरले र अन्य करसहित १ लाख ५० हजार बुझाएकोमा उनलाई ७०० रुपैयाको दरले ३९ हजार मात्र को बिल दिएको पाइएको छ।

यस विषयमा पिडितले गाउँपालिकामा बुधबार छनविनका लागि निवेदन दिएको र उपभोक्ता समितिलाई पत्र पठाउँने तयारी भइरहेको कचनकवल गाउँपालिकाका उपाध्यक्ष नवराज भट्टराईले जानकारी दिनुभयो।