कमल पुलमा भएको दुर्घटनामा घाइते थापाको उपचारको क्रममा मृत्यु

झापा। झापा शिवसताक्षी नगरपालिका वडा नं.१ कमल पुलस्थित पूर्व पश्चिम राजमार्गमा आज विहान ५ बजे भएको सवारी दुर्घटनामा घाइते ललित बहादुर थापाको मृत्यु भएको छ ।

पश्चिमबाट पूर्व तर्फ आउदै गरेको प्रदेश १–०१–००१ च ८२२१ नम्बरको बोलेरो पिकअप र बिपरित दिशाबाट जादैं गरेको मे ६ प २५१४ नम्बरको मोटरसाईकल एक आपसमा ठोक्किदा मोटरसाईकल चालक शिवसताक्षी ८ बस्ने बर्षका अन्दाजी ४० वर्षका थापा घाईते भएका थिए ।

घाइते थापाको उपचारको लागि विएण्डसी अस्पताल बिर्तामोडमा उपचारको क्रममा ६ः५५ बजे मृत्यु भएको चिकित्सकले घोषणा गरेका छन् । पिकअप र पिकअप चालक मेचीनगर नगरपालिका वडा नं.८ बस्ने बर्ष ३१ को विशाल खवासलाई नियन्त्रणमा लिई इलाका प्रहरी कार्यालय झिलझिलेमा राखिएको झापा प्रहरीले जनाएको छ ।