काठमाडौं। देशभर मनसुनी वायुले प्रभाव जमाउँदै गएको छ। मनसुनको न्यून चापीय रेखा नेपालको तराई भू-भागमा सरदरभन्दा उत्तरतर्फ सक्रिय रहँदा विभिन्न प्रदेशका पहाडी भू-भागमा वर्षाको गतिविधि बढेको छ।
आज दिउँसो कोशी, लुम्बिनी, कर्णाली र सुदूरपश्चिम प्रदेशका अधिकांश पहाडी भू-भागमा आंशिकदेखि पूर्ण बदली रहनेछ भने बाँकी भू-भागमा सामान्य बदलीको अवस्था रहनेछ। कोशी प्रदेशको पहाडी भू-भागसहित लुम्बिनी, कर्णाली र सुदूरपश्चिम प्रदेशका केही स्थानहरूमा मध्यम वर्षाको सम्भावना छ। यस्तै, कोशी र सुदूरपश्चिम प्रदेशका एक–दुई स्थानमा भारी वर्षा हुन सक्ने पूर्वानुमान गरिएको छ।
आज राती भने देशभर सामान्य बदली रहनेछ। कोशी प्रदेशलगायत पहाडी भू-भागका केही स्थानमा र तराई क्षेत्रका थोरै स्थानमा मध्यम वर्षाको सम्भावना रहेको मौसम पूर्वानुमान महाशाखाले जनाएको छ। कोशी प्रदेशका एक–दुई स्थानमा राति पनि भारी वर्षा हुन सक्ने चेतावनी दिइएको छ।
हाल नेपालभर मनसुनी वायुको प्रभाव सक्रिय रहेको छ। मनसुनको न्यून चापीय रेखा औसत स्थानको तुलनामा अलिकति उत्तरतर्फ सरेको छ र नेपालको तराई क्षेत्रमा अवस्थित रहेको छ।
