बुद्धशान्ति (पालिका सन्देश) । नेपाल क्रिकेट एसोसिएसन क्यानका अध्यक्ष चतुरबहादुर चन्दलाई झापाको बुद्धशान्तिमा भब्य रुपमा स्वागत गरिएको छ । बर्खा स्मृति प्रतिष्ठान बुद्धशान्तिले आयोजना गर्न लागेको दोस्रो संस्करणको झापा जिल्ला अन्तरपालिका टी २० क्रीकेट प्रतियोगिताको तयारीबारे जानकारी लिनुका साथै खेलमैदान अवलोकन गरेका छन् ।
प्रतिष्ठानको आयोजनामा माघ ११ गतेदेखि सञ्चालन गर्न लागेको प्रतियोगिताको खेलमैदानमा प्रतिष्ठान अध्यक्ष मदन प्रसाईं, गाउँपालिका अध्यक्ष मनोज प्रसाईं, बुद्धशान्ति खेलकुद बिकास समिति अध्यक्ष पर्शुराम चेम्जोङ लगायतले स्वागत गरेका थिए ।
बुद्धशान्ति ३ पेट्रोल पम्प पश्चिम खेलमैदानमा उपस्थित क्यानका अध्यक्ष चन्दले बर्खा स्मृति प्रतिष्ठानलाई खेलाडीको हौसला प्रदान गर्दै खेलाडी उत्पादन गर्न भूमिका निर्बाह गरेकोमा धन्यवाद ज्ञापन गरेका थिए। साथै उनले प्रतियोगिता संचालन गर्न चहिने प्राबिधिक सहयोगको लागि सधै तत्पर रहेको उद्घोष गरेका थिए।
यसैगरी प्रतिष्ठानका अध्यक्ष मदन प्रसाईंले प्रतिष्ठान र यसले गरिरहेको क्रियाकलापको बारेमा प्रष्टाएका थिए भने कार्यक्रमको सहजीकरण सचिव मदन मगरले गरेका थिए ।
कार्यक्रममा केन्द्रीय उपाध्यक्ष रोशन सिंह, केन्द्रीय सदस्यहरु, कोशी प्रदेश अध्यक्ष, सचीव, चिफ सेलेक्टर, झापा अध्यक्ष प्रबिन थापा तथा पदाधिकारी र स्थानीय सामाजिक एवम् खेलप्रेमी ब्याक्तित्वहरुको उपस्थिति रहेको थियो ।
