जनक न्यौपाने, राेङ ।
स्वास्थको पहुँचमा पुग्न नसकेका गाउँगाउँका नागरिकहरुको लागि रोङ गाउँपालिका रोगको खोजीमा निरन्तर लागेको छ ।
रोङ गाउँपालिका स्वास्थ्य शाखाको प्रयासमा गाउँपालिकाका महिलाहरूको पाठेघर र स्तन क्यान्सरको परिक्षण, V.I.A जाँच गरी रोगको पहिचान, परामर्श र उपचारको कार्यमा निरन्तर लागिरहेको प्रमुख प्रशासकीय अधिकृत दिपेन्द्र दहालले बताए ।
गाउँपालिका स्वास्थ्य शाखाको वार्षिक कार्ययोजना अनुसार चालु वर्षमा गाउँपालिका भित्र बिभिन्न ९ स्थानमा परिक्षण गरिने योजना अनुसार हालसम्म राेङ १ र२ मा संयुक्त शिविर सञ्चालन गरी ३ सय ५० , रोङ ५ मा ८७ ,रोङ ३ को कोल्बुङमा ८८ र आज रोङ ६ को म्भ्याङमा १ सय १० जना गरि कुल ६ सय ३५ जना महिलाहरूको परिक्षण गरिसकिएको छ भने अव जिर्मले, सलकपुर बरफल्याङ ,भालुझाेडा र धनशारमा शिविर सञ्चालन गरिने योजना रहेको स्वास्थ्य शाखा प्रमुख युवराज काफ्लेले बताए ।शिविरमा डाक्टर रामकृष्ण आचार्य ,विकास गजमेर, ममता दियालि, सबिना अर्याल लगायतको स्वास्थ्यकर्मीको टिमले सेवा दिएका थिए ।
शिबिरमा पहिचान भएका रोगीलाई लगातार फलोअप राेगकाे चरण हेरी परामर्श र उपचारको लागि सुविधा सम्पन्न अस्पताल सम्म रिफरको ब्यवस्था गरिने शाखा प्रमुख काफ्लेले बताए ।यसरी गाउँमै आएर स्वास्थ्य सेवा दिने गरेको र आफूहरुलाई सहज सेवा पाएकोमा खुसी लागेको स्थानीय खगा प्रधानले बताइन् ।
