गौरीगञ्जमा विद्युत सर्टबाट आगलागी, ग्वाली, मकै र खसी बाख्रा जलेर नष्ट

झापा। झापाको गौरीगञ्जमा आगलागी भएको छ ।

आज साँझ ६ बजे भएको आगलागीबाट गौरीगन्ज –१ भन्सार टोलका नौलोसिंह थापाको ग्वाली जलेर नष्ट भएको छ । आगलागीबाट ग्वाली, ४ वटा साइकल , करिव २० मन मकै जलेर नष्ट भएको छ भने ६ वटा खसी बाख्रा जलेर मरेका छन् । विद्युत सर्ट भई सो आगलागी भएको बताइएको छ ।

गौरादह र शिवसताक्षी नगरपालिकाको दमकल , इलाका प्रहरी कार्यालय गौरीगञ्जको प्रहरी टोली र स्थानीयको सहयोगमा आगो भर्खरै नियन्त्रणमा आएको गौरीगञ्ज १ का वडाध्यक्ष कार्तिकलाल राजवंशीले जानकारी दिएका छन् ।