घाँटीमा सुँगुरको मासु अड्किएर वृद्धको मृत्यु

घाँटीमा मासु अड्किएर एक वृद्धको मृत्यु भएको छ।  धनकुटाको महालक्ष्मी नगरपालिका–९, मूर्तिढुङ्गाका ७८ वर्षीय प्रेमबहादुर लिम्बूको घाँटीमा मासु अड्किएर मृत्यु भएको हो । 

सुँगुरको मासु खाँदै गर्दा घाटीमा अड्किएका उनको उपचारको क्रममा मृत्यु भएको प्रहरीले जनाएको छ ।

जेठ २१ गते राति करिब ९ बजे खानेबेला लिम्बूको घाँटीमा मासु अड्किएको थियो । 

अचेत अवस्थामा तत्काल उनलाई उपचारका लागि विराटनगरस्थित विराट टिचिङ अस्पताल लगिएको थियो ।

तर, गएराति उपचारको क्रममा उनको निधन भएको धनकुटा प्रहरीले जानकारी दिएको छ।