चन्द्रयान– ३ बारे फिल्म बनाउन दौडधुप

भारतीय यान (चन्द्रयान– ३) ले बुधबार चन्द्रमाको दक्षिणी ध्रुवमा सफल अवतरण गरेको छ । यस सफलतालाई फिल्ममा देखाउन धेरै निर्माता तथा निर्देशक अघि सरेका छन् ।

मुम्बईस्थित आइएमपिपिए, प्रोड्युसर्स गिल्ड अफ इन्डिया र आइएफटिपिसी कार्यालयमा ‘चन्द्रयान– ३’ शीर्षक आधिकारिक रूपमा आफ्नो नाममा दर्ता गर्नका लागि धेरै फिल्ममेकरको पत्र आएको छ ।

‘चन्द्रयान– ३, मिसन चन्द्रयान– ३, चन्द्रयान– ३ : द मुन मिसन, विक्रम ल्यान्डर, भारत चान्द परलगायत शीर्षक दर्ता गराउन विभिन्न निर्माता तथा निर्माण कम्पनीले आग्रह गरेका छन्,’ आइएमपिपिएका अधिकारीलाई उद्धृत गर्दै भारतीय सञ्चारमाध्यम न्युज १८ ले लेखेको छ, ‘आगामी साता यी सबै आग्रहलाई हामी रिभ्यु गर्नेछौँ र केहीले मात्रै अनुमति पाउनेछन् ।’