ईलाम। ईलामको चुलाचुली गाउँपालिका वडा नं ३ स्थित ऐना पोखरीमा पौडी खेल्ने क्रममा एकको मृत्यु भएको छ ।
स्थानिय पर्यटकिय स्थलमा पौडी खेल्ने क्रममा चुलाचुली ४ निवासी १८ वर्षीय बिनिता जोगिको मृत्यु भएको हो भने संगै रहेको २ जना अस्पतालमा उपचाररत रहेका छन ।
मृतक जोगि सहित अन्य २ जना महिला पौडि खेलिसकेर फर्कने क्रममा करिब दिउँसो १२ बजे जोगिको खुट्टा चिप्लिएर पोखरिमा पसेकि थिइन । साथमा रहेका साथीहरुले उनलाई निकाल्न समेत प्रयास गरेका थिए ।
मृतकलाई पोखरीको पानी सुकाएर बाहिर निकालिएको हो।
मान बहादुर जोगी र निर्मला जोगीकि छोरी बिनिता हालसालै स्थानिय बालज्योती मा.बि. बाट ११ को परीक्षा दिएर बसेकी थिइन । आमा निर्मला बिदेश रहेको कारण उनी बुबा र दाजुको साथमा रहेकी थिइन ।
ईलाका प्रहरी कार्यालय दमकको एक टोलिले लासलाई पोस्टमार्टमको लागि दमक लैजाने तयारी गरिरहेको छ ।
