झापा– जिल्ला प्रहरी कार्यालय झापाका प्रहरी प्रमुख (एसपी) मिलन केसीलाई उत्कृष्ट प्रहरी अधिकृतको रूपमा पुरस्कृत गरिएको छ। एसपी केसीले कोशी प्रदेशमा कार्यसम्पादनको आधारमा पहिलो स्थान प्राप्त गरेका हुन्।
उन्हें विभागीय मूल्य-मान्यता आदेश-निर्देशनको पालना गर्दै व्यावसायिकता, लगनशीलता र कर्तव्यनिष्ठताको प्रदर्शन गरी अपराध अनुसन्धान र नियन्त्रणको क्षेत्रमा विशेष योगदान गरेको भन्दै सम्मानित गरिएको हो। कोशी प्रदेश कार्यालयले हालै एसपी केसीलाई नगद रु १,५०० सहित पुरस्कृत गरेको छ।
एसपी केसीले जिम्मेवारी त्रुटिरहित रूपमा पूरा गर्दै, स्थानीय जनचेतना कार्यक्रम सञ्चालन गर्दै, तथा मातहतका कर्मचारीहरूको उचित परिचालन गरी क्षेत्रीय शान्ति र सुरक्षा कायम राख्न महत्त्वपूर्ण भूमिका निर्वाह गरेका छन्।
उत्कृष्ट कार्यसम्पादनको मूल्याङ्कन गर्दै प्रहरी नियमावली २०७१ (संशोधन सहित) को नियम १९७ को देहाय (ख) बमोजिम, एसपी मिलन केसीसहित पाँचथरका डिएसपी हेमन्त भण्डारी क्षेत्री र सङ्खुवासभाका डिएसपी घनश्याम श्रेष्ठलाई जनही नगद रु १,४०० सहित सम्मानित गरिएको छ।
एसपी केसीले प्राप्त गरेको नगद पुरस्कारको अभिलेख जनाउन कोशी प्रदेश प्रहरी कार्यालयले संघीय मामिला तथा सामान्य प्रशासन मन्त्रालय, राष्ट्रिय किताब खाना (प्रहरी), लैनचौर, काठमाडौँलाई पत्र लेखेको छ।
