झापाको बाह्रदशीमा रड प्रहारबाट एकजनाको मृत्यु, आरोपी प्रहरी नियन्त्रणमा

बाह्रदशी। झापाको बाह्रदशी गाउँपालिका –५ मा रड प्रहारबाट एकजनाको मृत्यु भएको छ । रड प्रहारबाट बाह्रदशी गाउँपालिका- ५ निवासी ४५ वर्षीय गंगालाल माझीको मृत्यु भएको जिल्ला प्रहरी कार्यालय झापाले जनाएको छ । घाइते माझीलाई उपचारका लागि बीएण्डसी अस्पताल बिर्तामोड ल्याउँदै गर्दा बाटैमा मृत्यु भएको हो ।

शनिबार राति आपसी विवादकाे क्रममा बाह्रदशी-५ कै मानपुर राजवंशीले माझीलाई रड प्रहार गरेका थिए । हत्या आराेपमा राजवंशीलाई इलाका प्रहरी कार्यालय बिर्तामोडले नियन्त्रणमा लिएको जनाइएको छ ।