झापामा लागुऔषध नियन्त्रण सम्बन्धि कार्यक्रममै रक्सीका बोतल भेटिएपछि

झापा। झापाको काँकरभिट्टामा बुधबार आयोजना गरिएको लागुऔषध विरुद्धको कार्यक्रम स्थलमै रक्सीको बोतल भेटिएपछि हंगामा भएको छ ।

बुधबार जिल्ला प्रशासन कार्यालय झापा, जिल्ला प्रहरी कार्यालय झापा र मेची सामुदायिक सेवा केन्द्रको संयुक्त आयोजनामा काँकरभिट्टा खानेपानी सभाहलमा कार्यक्रम राखिएको थियो ।

कार्यक्रम हलको कुर्सीमै बियरका दर्जनौं बोलत छरपस्ट थिए । कार्यक्रममा आयोजक समितिले लागु पदार्थ दुव्र्यसनी रोक्न सरोकारवाला लाग्नु पर्ने बताइरहेका थिए ।

तर, हलभित्रै रक्सीको बोतल सञ्चारकर्मीले भेटेर देखाएपछि आयोजकको आलोचना भएको छ । सञ्चारकर्मी खगेन्द्र घिमिरेले कार्यक्रम स्थलमै रक्सीको बोतल भेटिनुले अभियानको खिल्ली उडाएको बताए । त्यसपछि आयोजकले व्यवस्थापनमा कमजोरी भएको भन्दै आगामी दिनमा यस्तो गल्ती नदोहोर्याउने वचन दिएको छ ।-साझा परिवेशबाट