झापामा विद्युतीय ट्रान्सफर्मर चोरी 

झापा। झापाको कनकाई नगरपालिका ५ स्थित चप्रामारीमा गएराती विद्युतीय ट्रान्सफर्मर चोरी भएको छ ।
चोरी गर्ने समुहले ११ हजार भोल्टेजबाट ट्रान्सफर्मरको तार हटाई त्यहाँ रहेको १०० केभिएको ट्रान्सफर्मर चोरी भएको कनकाई नगरपालिका ५ का वडा सदस्य दिलु उप्रेतीले बताउँनुभयो ।

चोरी गर्ने समुहले तामाको तार र त्यहाँ रहेको तेलका लागि ट्रान्सफर्मर को चोरी गरेको र चोरी गर्ने समुहको खोजी कार्य जारी रहेको इलाका प्रहरी कार्यालय सुरुङ्गाका प्रहरी प्रमुख बरिष्ठ प्रहरी नायव निरिक्षक अशोक कोइरालाले बताउँनुभयो । 

हालसम्म यस क्षेत्रमा कुखुरा, काठ, लगायतका घरायसी सामाग्रीहरू चोरी हुने गरेको भएपनि यसरी मेन लाईनकाटेरै ट्रान्समिटरनै चोरी भएको भने यो पहिलो घटना भएको कनकाई नगरपालिका ५ का वडाअध्यक्ष कृष्णबहादुर राईले बताउँनुभयो ।