झापा।
झापा गाउँपालिका–३, झाटीस्थित भित्री पक्की सडकखण्डमा बुधबार बेलुका भएको सवारी दुर्घटनामा एक व्यक्तिको मृत्यु भएको छ।
साँझ करिब ४:३० बजे झाटीबाट कामाटोलीतर्फ गइरहेको मे १ त ४१०७ नम्बरको ट्र्याक्टरमा सवार ६० वर्षीय रमेश हस्ता अचानक बेहोस भई ट्र्याक्टरबाट खसेका थिए। घाइते अवस्थाका उनलाई तत्काल स्वास्थ्य चौकी शरणामति लगिएको थियो। प्रारम्भिक उपचारपछि थप उपचारका लागि प्रादेशिक अस्पताल भद्रपुर पठाइएको थियो, जहाँ साँझ ६:३० बजे उपचारका क्रममा चिकित्सकहरूले उनलाई मृत घोषणा गरेका थिए।
मृतकको शव पोष्टमार्टमका लागि प्रादेशिक अस्पताल भद्रपुरको शव गृहमा राखिएको छ। घटनाको थप अनुसन्धान भइरहेको प्रहरीले जनाएको छ।