नेपाली कांग्रेसको १४औं महाधिवेशन अन्तर्गत आज झापा जिल्ला समितिको निर्वाचन भैरहेको छ।
पार्टी प्रबक्ता बिश्वप्रकाश शर्माको समर्थन पाएका राम कट्टेल र महामन्त्री कृष्णप्रसाद सिटौलाको समर्थन पाएका देवमान थेबे चुनावमा आ-आफ्नो प्यानल सहित मैदानमा उत्रीएका छन्।
कुल ३३८९ मतदाता रहेको आजको निर्वाचनमा मध्याह्न १२ बजेसम्ममा ५०% मतदाताले मतदान गरिसकेको निर्वाचन अधिकृत सुबोधबाबु सिलवालले जानकारी दिए।
मतदाताहरुले १० वटा केन्द्रबाट मतदान गरि आफ्ना उम्मेदवार चयन गर्दैछन्। निर्वाचन अपरान्ह ३ बजे सकिने अधिकृत सिलवालले बताएका छन्। “दुबैपक्षका नेता-कार्यकर्ताहरु सौहाद्रपुर्ण वातावरणमा भोट हालिरहनुभएको छ,५०% मत खसीसक्यो” उनले भने।