झापा गाउँपालिका वडा नम्बर ६ मा आगलागी हुँदा गोठमा रहेको खसी र बाख्रासहित गोठ जलेर नष्ट भएको छ । गएराती अन्दाजी १० बजेको समयमा झापाको झापा–६ स्थित सकुन्तला खड्काको गोठमा खोले पकाउने क्रममा चुलोबाट अचानक आगो सल्किएको थियो ।
आगलागी हुँदा टिनको छानो टाटी बेरा भएको गोठ पूर्ण रुपमा जलेर गोठ भित्र रहेका एउटा खसी र एउटा बाख्रासमेत जलेर नष्ट भएको जिल प्रहरी कार्यालय झापाले जनाएको छ ।
आगलागीमा एक लाख रुपैयाँ बराबरको क्षति भएको र १०ः४५ मिनेटमा आगो पूर्णरुपमा नियन्त्रणमा लिएको प्रहरीले जनाएको छ ।
प्रहरी चौकी शरणामतीबाट खटिएको प्रहरी टोलीसहित स्थानियबासीको सहयोगमा पूर्ण रुपमा नियन्त्रण भएको आगलागीबाट मानवीय क्षति नभएको प्रहरीले जनाएको छ ।
यो समाचार तपाईलाई कस्तो लाग्यो??
+1
+1
+1
+1
+1
+1
+1
