- सीता खरेल
दशैं शब्द सुन्न साथ मनमा यति उमंग आउँदथ्यो हर्षको कुनै सिमा नै हुन्न थियो । जब मेरो उमेर अरुको साहारामा रम्ने र रमाउने थियो । बर्ष भरि कुरे पछि आएको दशैं त्यही पनि गाउँ घर तिरको छुट्टै रमाइलो ।
घर, बारीभरि ढकमक्क फुलेका फुलहरूको सुगन्ध , घरको नयाँ दृश्य देख्दा अनि आँफू संगै मिल्ने ती बालापनका केटाकेटीहरुको त्यो मिठो गफ सुनेर र दशैमा नयाँ कपडा लगाउने ,मामा घर जाने गफले मेरो मन एकदमै हर्षित हुन्थ्यो , वास्तवमै दसैंमा रमाउने भनेको त त्यही कलिलो बालापनको उमेर नै रहेछ , जतिबेला न मनमा पिडा ,न दुःख, न जिम्मेवारी मात्र खुशीको भारि हुन्थ्यो ।
जति उमेर बढदै गयो त्यति रमाउने अनि खुसी हुने भन्दा पनि जिम्मेवारी बढदै जादो रहेछ, त्यसैले अहिले सम्झिँदा त्यो बालापनको रमाइलो सम्झेरै मनमा उमंग छाउने गर्छ ।
दशै त बालक, युवा, बृद्ध सबैलाई नै आउने गर्छ तर जति दशैंमा बालबालिका रमाउने गर्छन त्यो भन्दा अलि कम युवाहरू अनि अझै कम बृद्धहरु रमाउने गर्छन ।
हिन्दूहरुको महान चाडपर्वहरु मध्ये एक महत्त्वपूर्ण चाडको रूपमा दशैलाई लिने गरिन्छ ।यो महान चाडले परिवारमा धेरै नै उमंग ल्याउने गर्छ अझ बालबालिकालाई त धेरै नै रमाइलो ,पिङ खेल्ने आनन्द लिने , नयाँ कपडा किन्ने, मामा घर जाने , भन्ने कुराले दिल नै खुसी बनाउने गर्छ ।
त्यसैले दशैमा रम्ने र रमाउने चाहाना अत्याधिक धेरै बालापनमा नै हुने गर्छ जति बेला मन हर्षले भरिपुर्ण हुन्छ ।
