काठमाडौं। बहुप्रतिक्षित फिल्म ‘छक्का पञ्जा-५’ को पहिलो गीत ‘बिहे भाको छैन’रिलिज भएर पनि लोकप्रिय भैसकेको छ ।
फिल्मको गीतले युट्यूबमा २० लाख भन्दा बढी भ्यूज पाइसकेको छ । तर गीतलाई विभिन्न अर्थ लगाएर आलोचना पनि नगरिएको होइन । गीतको भ्यूजसँगै आलोचना गर्नेको पनि संख्या बढ्दै गएको छ ।
आलोचना गर्नेहरुले फिल्मकी निर्देशक दीपाश्री निरौलालाई लक्षित गरिरहेका छन् ।आलोचकहरूको भनाइ छ- ‘गीत दीपाश्रीसँग ठ्याक्कै मेल खाने बनाएको रहेछ ।’ तर दीपाश्री भन्छिन् – ‘मलाई भन्दा पनि फिल्मको कथासँग मिल्ने भएकाले उक्त गीत फिल्ममा राखिएको हो ।’
हुन पनि अहिलेसम्म ‘छक्का पञ्जा’ का सीरीजहरुमा जति गीत अथवा कथा छन्, ती सबै अर्थपूर्ण रहेका छन् । र यो गीत फिल्ममा पक्कै पनि अर्थपूर्ण रहेको हुन्छ भन्ने अपेक्षा छक्का पञ्जा सीरीजलाई माया गर्ने दर्शकको रहेको छ । गीतले दर्शकलाई निरासा नबनाओस् भन्ने शुभकामना हाम्रो तर्फबाट रहेको छ ।
