देशभर डेंगु संक्रमणबाट ३ जनाको मृत्यु, संक्रमित संख्या ५ हजार बढी

काठमाडौँ । डेंगु संक्रमणबाट मृत्यु हुनेको संख्या तीन जना पुगेको छ । इपिडिमियोलोजी तथा रोग नियन्त्रण महाशाखा (ईडीसीडी) का अनुसार ५ हजार ११९ जना संक्रमितमध्ये तीन जनाको मृत्यु भएको हो । 
मृत्यु भएका डेंगु संक्रमितलाई अन्य रोग पनि लागेको ईडीसीडीले उल्लेख गरेको छ ।

देशभर ७७ मध्ये ७५ जिल्लामा डेंगी संक्रमण देखिएको छ । तनहुँका १ हजार ४५ जनामा डेंगी संक्रमण देखिएको छ । यो जिल्लामा मात्रै एक हजार बढी डेंगु संक्रमित छन् । यो तथ्यांक मध्ये माघ यताको रहेको इडीसीडीले जनाएको छ ।