गैँडाकोट नगरपालिका– ७ स्थित नारायणी नदीको किनारमा दुई पुरुषको शव भेटिएको छ। शव सिमलतालस्थित नारायणगढ–मुग्लिन सडकमा दुर्घटनामा परेको बसको यात्रुको भएको अनुमान गरिएको छ।
![](https://palikasandesh.com/wp-content/uploads/2024/07/1720869556941.webp)
शव भेटिएको स्थान चितवनको भरतपुर महानगरपालिका– २९, सिमलताल (घटनास्थल)बाट करिब २५ किलोमिटर पर रहेको छ।
एउटा शव करिब २५–३० वर्षका र अर्को १८–२० वर्षको पुरुषको रहेको इलाका प्रहरी कार्यालय गैंडाकोटले जनाएको छ। उक्त स्थानमा प्रहरी निरीक्षक हस्तबहादुर सुनारको कमाण्डमा इलाका प्रहरी कार्यालय गैंडाकोटको टोली पुगेको छ।
यसअघि आज बिहान भरतपुर महानगरपालिकाको वडा नं २८ गोलाघाट क्षेत्रमा अर्को एक शव भेटिएको थियो। भारतीय नागरिक ऋषि पाल साहको शव मृतकका दाइले बुझेका छन्।