नेपाल U16 क्रिकेट टोलीले मलेसियामा सम्पन्न ACC पुरुष U16 पूर्वी क्षेत्र कप 2025 को उपाधि जित्न सफल भएको छ। फाइनल खेलमा नेपालले सिङ्गापुरलाई पराजित गर्दै प्रतियोगिता भरि अपराजित रहँदै च्याम्पियन बनेको हो।
टस हारेर पहिले बलिङ गरेको नेपालले सिङ्गापुरलाई कम स्कोरमा रोक्न सफल रह्यो, जसमा कप्तान बिपिन प्रसाद शर्माको उत्कृष्ट कप्तानी र बलिङ आक्रमणले महत्वपूर्ण भूमिका खेले। त्यसपछि लक्ष्य पछ्याउँदै नेपालले उपाधि आफ्नो नाममा लेखाएको हो।
यसअघि समूह चरणमा नेपालले सिङ्गापुर, जापान, इन्डोनेसिया र भुटानलाई पराजित गरेको थियो भने सेमिफाइनलमा मलेसियालाई ९ विकेटले हराएको थियो। नेपालका युवा खेलाडीहरूले आफ्नो प्रदर्शनबाट नेपाली क्रिकेटको उज्ज्वल भविष्यको संकेत दिएका छन्।
यो समाचार तपाईलाई कस्तो लाग्यो??
+1
+1
+1
+1
+1
+1
+1
