बुद्धशान्ति/ सामुदायिक क्याम्पसहरुको छाता संस्था नेपाल पब्लिक क्याम्पस संघ झापाको अध्यक्षमा पुष्प रिजाल सर्वसम्मत रुपमा चयन भएका छन् । आज बुद्धशान्ति स्थित सीतारमेश बहुमुखी क्याम्पसको सभाहलमा आयोजित भेलाले रिजाललाई तीन बर्षे कार्यकालका लागि सर्वसम्मत रुपमा अध्यक्षमा चयन गरेको हो । उनी सीतारमेश बहुमुखी क्याम्पस बुद्धशान्ति – १ का क्याम्पस प्रमुख हुन् ।
त्यस्तै उपाध्यक्षमा शुशिल आचार्य, सचिवमा संजीव अधिकारी, सह सचिवमा सीताराम भट्टराई, कोषाध्यक्षमा प्रेमराज घिमिरे रहेका छन् । त्यस्तै सदस्यहरुमा प्रेम पोखरेल, मोती राजवंशी , मखना महतो, महेन्द्र प्रसाद घिमिरे, मोहन प्रसाद ओली र रुद्र मैनाली सर्वसम्म रुपमा चयन भएको पालिका सन्देशलाई जनाइएको छ ।
नव निर्वाचित अध्यक्ष रिजालले जिल्लाका सामुदायिक क्याम्पसहरुको शैक्षिक र भौतिक विकासमा नेतृत्वले विशेष ध्यान दिने बताए । उनले सामुदायिक क्याम्पसहरुको स्तरउन्नतीसँगै संघलाई एक ढिक्का बनाएर लैजाने दिशामा आँफु सधै सक्रिय रहने प्रतिवद्धता जनाएका छन् ।
