काठमाडौं — नेपाल प्रहरीले ६३ जना प्रहरी उपरीक्षक (एसपी)हरूको सरुवा गरेको छ। प्रहरी महानिरीक्षकको सोमबार बसेको बैठकले सरुवा निर्णय गर्दै सरुवाका दरबन्दीबाटै तलब भत्ता उपलब्ध गराइने जानकारी दिएको हो।
कार्यालय प्रमुखका रूपमा कम्तीमा एक वर्षको कार्यअवधि पूरा गरेका एसपीहरूलाई प्राथमिकतामा राखेर सरुवा गरिएको प्रहरीले जनाएको छ। यस सरुवासँगै जिल्लामा नयाँ प्रहरी प्रमुखहरू तोकिएका छन्।
तराईका भारतीय सीमावर्ती जिल्लामध्ये आकर्षक मानिने ठाँउहरूमा नयाँ प्रहरी प्रमुख पठाइएको छ। सो क्रममा झापामा राजन लिम्बू, चितवनमा गोविन्द पुरी, कैलालीमा बालनरसिंह राणा, र सुर्खेतमा सुधीरराज शाही सरुवा भएका छन्।
यसअघि, २०८१ साल फागुन १ गते भएको सरुवामा विभिन्न जिल्लाका प्रहरी प्रमुख बनाइएका केही एसपीहरू १४ महिनामै फिर्ता भएका थिए। कतिपय एसपीहरू भने ५३ दिनदेखि ९-१० महिनामै सरुवा भएका थिए।
