बुद्धशान्ति । झापाका पत्रकार बिष्णुप्रसाद लामिछानेलाई पालिका सन्देशको प्रधान सम्पादकमा नियुक्ति गरिएकोे छ ।
पालिका सन्देश डटकम् डिजिटल अनलाइन पत्रिकाको आयोजनामा झापाको बुद्धशान्ति गाउँपालिकामा आयोजित दुईदिने आधारभुत पत्रकारीता तालिमको समारोहमा प्रधान सम्पादकमा नियुक्ति गरिएकोे हो । पत्रिकाका अध्यक्ष सुरज दंगालले लामिछानेलाई प्रधान सम्पादकको रुपमा घोषणा गरेका हुन् ।
नवनियुक्त प्रधान सम्पादक लामिछानेलाई बुद्धशान्ति गाउँपालिका अध्यक्ष रमेशकुमार भुजेल, पत्रकार महासंघ झापा शाखा सह सचिव अर्जुन राजवंशी, बुद्धशान्ति प्रेस क्लबका अध्यक्ष अनिल वाग्ले, इलाका प्रहरी कार्यालय बुधबारेका प्रमुख निराजन कटुवाल, बुद्धशान्ति उद्योग बाणिज्य संघका उपाध्यक्ष दिपक सापकोटा, सीतारमेश बहुमुखी क्याम्पसका क्याम्पस प्रमुख केशव ढुंगेल, बुद्धशान्ति प्रेस क्लबका सल्लाहकार गंगारम गड्तौला, बुद्धशान्ति साप्ताहिकका सम्पादक रोसन भट्टराई, सेम्पल टेक्निकलका सञ्चालक उमेश भट्टराई पलिका सन्देशका सम्पादक तीर्थ तिम्सिना लगायत खदा ओढाएर शुभकामना दिएका थिए ।
नवनियुक्त प्रधान सम्पादक लामिछानेले पद ग्रहण गर्दै पालिका सन्देश मार्फत आम मानिसको आवाज उजागर गर्ने बताए। पालिका सन्देशले संचालन गरेको ” आधारभुत पत्रकारीता तालिम ” आइतबार अपरान्ह समापन हुँदैछ।
