बुधबारे – बुद्धशान्ति गाउँपालिकाका प्रमुख प्रशासकीय अधिकृत इन्द्रप्रसाद चापागाईको आज बिदाई गरिएको छ ।
उनलाई आईतबार एक कार्यक्रम गर्दै बिदाई गरिएको छ । बुधबारे जेसीजले आयोजना गरेको कार्यक्रममा पालिका सन्देश सहित दर्जनौं संघसंस्थाले सम्मानपत्र, खदा तथा मायाको चिनोले सम्मान गरेका छन् । उनलाई पालिका सन्देशका सम्पादक तीर्थ तिम्सिना तथा पुर्वेली साप्ताहिकका तर्फबाट नर्बदा चापागाईं बास्कोटाले खदा तथा मायाको चिनोले सम्मान गरेका थिए ।
राष्ट्रिय सूचना आयोग काठमाडौंबाट वि.स. २०७६ असोज १३ गते सरुवा भई बुद्धशान्ति गाउँपालिकामा प्रमुख प्रशासकीय अधिकृतका रुपमा आएका चापागाईकोे गृह मन्त्रालय वा अन्र्तगत सरुवा÷रमाना भएको हो ।
झापाको बुद्धशान्ति नै जन्मथलो भएका काठमाडौं कागेश्वरी मनहरा नगरपालिका वडा नम्बर ६ का चापागाई बुद्धशान्तिमा हालसम्म सबैभन्दा बढी समय प्रमुख प्रशासकीय अधिकृतका रुपमा रहने प्रमुख प्रशासकीय अधिकृत हुन् ।
उनको २०७७ पौष १० गते नै सरुवा भएपनि विकास निर्माण र कर्मचारी प्रशासनमा सुशासन कायम गरी सेवा प्रवाह जनमुखी र छिटोछरितो ढंगबाट सम्पन्न हुनेभएपछि जननिर्वाचित जनप्रतिनिधिहरुको विशेष अनुरोधमा आर्थिक वर्षका विकास निर्माणका सम्पूर्ण कार्यसम्पन्न भएपछि मात्र सरुवा भईजान अनुरोध भएपछि उनी आर्थिक वर्ष २०७७÷७८ को अन्त्यसम्म बुद्धशान्ति गाउँपालिका बसेका हुन् ।
