कचनकवल। बगान युथ क्लबले आयोजना गरेको प्रथम बगान गोल्डकप-२०७९ को तेस्रो दिनको खेलमा बगान युथ क्लब सेमिफाइनलमा प्रवेश गरेको छ। ८ असोजबाट सुरु भएको अन्तर जिल्ला स्तरीय नकआउट फुटबल प्रतियोगितामा सोमबार(आज) भएको बगान युथ क्लब र भद्रपुर युथ क्लब बिच भएको खेलमा भद्रपुर युथ क्लबलाई ३-० गोल अन्तरले पराजित गर्दै बगान युथ क्लब सेमिफाइनलमा प्रवेश गरेको हो।
बगान युथ क्लबका लागि खेल सुरु भएको १०औं मिनेटमा शक्ति राइले गोल गरेका थिए। त्यस्तै ६५ औं मिनेटमा प्रशान्त लिम्बुले गरेको प्रहार गोलमा परिणत भएको थियो। त्यसपछि खेलको ७२औं मिनेटमा समिर चम्लागाईंले १ गोल गर्दै बगान युथ क्लबलाई बिजयी बानाए। त्यस्तै खेलका उत्कृष्ट खेलाडी विजेता टिमका खेलाडी मेक्सम लिम्बु घोषित भएका छन्।
म्यान अफ दि म्याच मेक्सम लिम्बुकचनकवल-३ स्थित पथरिया माविको खेलमैदानमा जारी प्रथम बगान गोल्डकपमा भोलि हुने खेल ब्रोदर्श युनाइटेड र राजगढ बिच हुनेछ।
बगान युथ क्लबले आयोजना गरेको गोल्डकपको गोल्डकपको प्रायोजन गोर्खा ब्रुअरी , इण्डिगो पेन्ट्स, सुब्बा एग्रो ट्रेडिङ प्रा.ली र सितल इन्टरप्राइजेजले गरेका छन् जसमा PALIKASANDESH.COM र Tancho Creation मिडिया सारथी रहेका छन्।
