कचनकवल। झापाको कचनकवलमा जारी प्रथम बगान गोल्डकप फुटबल प्रतियोगिताको भोलि(शनिबार) फाइनल खेल हुँदैछ। कचनकवल-३ स्थित पथरिया माविको खेलमैदानमा हुने फाइनल खेलमा राजगढ एफ.सी र हिमाली युनाइटेड क्लब बिच प्रतिस्पर्धा हुनेछ।
यसअघि भएको गोल्डकपको पहिलो सेमिफाइनल खेलमा खेलमा आयोजक बगान युथ क्लबलाई पेनाल्टी सुट-आउटमा ९-८ गोल अन्तरले हराउँदै हिमाली युनाइटेडले फाइनल प्रवेश गरेको थियो भने (बिहीबार) हिजो भएको अन्तिम सेमिफाइनल खेलमा स्यालडाँगी(बिर्तामोड)लाई ०-४ गोल अन्तरले हराउँदै राजगढ एफ.सीले गोल्डकपको फाइनल प्रवेश गरेको थियो। भोलि हुने खेल निक्कै चुनौती पूर्ण हुने आँकलन गरिएको छ। खेल दिउँसोको १ बजेबाट सुरु हुने आयोजकले बताएको छ।
झापा जिल्ला अन्तर्गतका ८ टिम सहभागी प्रतियोगिताको विजेताले नगद रू३० हजार सहित मेडल,ट्रफी र प्रमाणपत्र प्राप्त गर्ने छन् त्यस्तै उपविजेताले नगद रू२० हजार सहित
मेडल,ट्रफी र प्रमाणपत्र प्राप्त गर्ने छन्। त्यस्तै उत्कृष्ट खेलाडी, उत्कृष्ट गोल रक्षक, उत्कृष्ट मिड-फिल्डर, उत्कृष्ट डिफेन्स, उत्कृष्ट गोल स्कोरर र उत्कृष्ट कोच विधामा समेत पुरस्कारको व्यवस्था गरिएको छ।
