रत्ननगर नगरपालिका–१५, माधवपुरका सफल किसान चेतप्रसाद ढकालले गाई पालन व्यवसायमा प्राप्त उल्लेखनीय सफलताका लागि असार १० गते सम्माननीय राष्ट्रपति श्री रामचन्द्र पौडेलबाट पुरस्कृत हुनु भएको छ।
ढकालले ६ वटा गोठमा १६० वटा गाई पाल्दै दैनिक ८०० देखि १,४०० लिटरसम्म दूध बिक्री गर्दै आउनु भएको छ, जसबाट उहाँले स्थानीय आर्थिक गतिविधि र दुग्ध उत्पादनमा महत्वपूर्ण योगदान पुर्याइरहनु भएको छ।
यसै क्रममा, नेपालका प्रधानमन्त्री तथा नेकपा एमालेका अध्यक्ष केपी शर्मा ओलीज्यूले सामाजिक सञ्जाल फेसबुकमार्फत् ढकालको सफलतामा हर्ष व्यक्त गर्दै बधाई तथा शुभकामना दिनु भएको छ।
रत्ननगर नगरपालिका कृषिप्रति समर्पण, आत्मनिर्भरता र उद्यमशीलताको उदाहरण प्रस्तुत गर्नुभएकोमा ढकाललाई हार्दिक बधाई ज्ञापन गर्दछ। यस किसिमका सफल प्रयासहरूले नगरको गौरव बढाउनुका साथै अन्य कृषकहरूलाई पनि प्रेरित गर्ने विश्वास लिइन्छ।
