फिलिपिन्समा आएको उष्णकटिबन्धीय आँधी ‘ट्रामी’बाट मृत्यु हुनेको संख्या ४६ पुगेको छ। कम्तीमा २० जना अझै बेपत्ता रहेको जनाइएको छ।
नागरिक रक्षा प्रशासकको कार्यालय ‘एरियल नेपोमुसेनो’ले देशभरका नौ क्षेत्रबाट ट्रामीसँग सम्बन्धित मृत्युको खबर आएको जनाएको छ। मनिलाको दक्षिणपूर्वी क्षेत्र बिकोलमा २८ र क्यालाबारजोन क्षेत्रमा १५ जनाको मृत्यु भएको जनाएको छ। मध्य र दक्षिणी फिलिपिन्सका अन्य क्षेत्रबाट पनि ट्रामी–सम्बन्धित मृत्युको खबर प्राप्त भएको छ ।
यस वर्ष फिलिपिन्समा आएको ११औँ आँधी ट्रामीले मुख्य लुजन टापुमा प्रहार गरी बिकोल र क्यालाबारजोन क्षेत्रमा विनाशकारी बाढी र पहिरो निम्त्याएको हो।
राष्ट्रिय विपद् जोखिम न्यूनीकरण तथा व्यवस्थापन परिषद्ले दक्षिणपूर्वी एशियाली देशको कम्तीमा १५ क्षेत्रका २६ लाखभन्दा बढी मानिस आँधीबाट प्रभावित भएको बताएको छ।
राज्य मौसम ब्युरोले शुक्रबार दिउँसो वा साँझमा ट्रामी फिलिपिन्सबाट बाहिर निस्किने पूर्वानुमान गरेको छ।
