बङ्लादेशमा आगलागीको निहुँ पारी अन्य पसलमा चोरी

इद सकिन एक हप्ता बाँकी रहँदा बङ्लादेशको राजधानी ढाकाको न्यू सुपर मार्केट निकै व्यस्त थियो । इदको पूर्वसन्ध्यामा साना व्यवसायीले जुत्ता, सारी, पाइन्ट, सर्टलगायत विभिन्न प्रकारका कपडाको बिक्री राम्रै थियो।

तर आज शनिबार दिउँसो बजार अगाडिको फुटपाथमा घुँडा- घुँडा पानी देखिएको छ । त्यहाँ विभिन्न रंगका जुत्ताहरू तैरिरहेका छन् । केही व्यापारीहरूले पानीमा झरेर छरिएका सामानहरू संकलन गरे।
शुक्रबार राति पनि यी पसलहरूमा ग्राहकको बाक्लो भीड थियो ।
बजारको तेस्रो तल्लामा बिहानै आगलागी भएपछि फुटपाथ अगाडिका पसलहरू जलेका छैनन् । तर पसलका अधिकांश सामान भने चोरिएका छन्।

आगलागी भएको मौका पारी धेरैले आगलागी नभएका पसलका सामानहरु चोरी गरेको पसलेहरुले आरोप लगाएका छन् भने प्रहरीले पनि एकाध ठाउँका सिसी क्यामेरा हेरी उक्त कुराको पुष्टि गरेको छ।