बनियानीमा चोरी गर्दै गर्दा एकजना पक्राउ, दुई फरार

कचनकवल। कचनकवल–६ बनियानीमा घनश्याम राजवंशी र महेन्द्र शर्मा हजामको घरमा शनिबार बिहान चोरीको प्रयास गर्ने क्रममा एकजना पक्राउ परेका छन् भने घटनामा संलग्न दुईजना फरार भएका छन्।
इलाका प्रहरी कार्यालय बनियानीका अनुसार घटनास्थलबाट एकवटा मोटरसाइकल र खुकुरी बरामद गरिएको छ।
प्रहरीका अनुसार घटनाबारे थप अनुसन्धान जारी रहेको छ भने फरार व्यक्तिहरूको खोजी भइरहेको छ।