बनियानी फ्युज सेवा केन्द्रको चरम लापरबाही। खतरामा स्थानीयको ज्यान।

कचनकवल। कचनकवल गाउँपालिका-४(केचना)  एनसेल टावर दक्षिणीपट्टी रहेको बयरको रुखमा नेपाल विद्युत प्राधिकरणको लो-टेनसन प्रसारण लाइनको तारले छोएर मान्छेको ज्यान जान सक्ने जोखिम बढ्दै गएको छ।

करिब १ बर्षदेखि उक्त विद्युत प्रसारणको तारले हरियो  बयर रुखलाई लाई छोइरहदाँ पनि बनियानी फ्युज सेवा केन्द्रले बेवास्ता गरिरहेको स्थानिय बताउँछन्। त्यस्तै, त्यस जोखिमपूर्ण स्थानमा दिनभर बाल-बच्चाहरु खेलीरहेको पाइन्छ। यस केचना क्षेत्रमा विद्युत प्रसारणमा विभिन्न अवरोध आएका कारण दिनमा पटकपटक घण्टौसम्म विद्युत अवरोध समेत हुने गरेको स्थानियको गुनासो रहेको छ।