काठमाडौ । सरकारले बेमौसमी वर्षा र यसका कारण आएको प्राकृतिक विपत्तिबाट बासस्थन गुमाएकालाई प्रतिघर ५० हजार रुपैयाँ दिने निर्णय गरेको छ ।
बुधबार सिंहदरबारमा बसेको विपद् व्यवस्थापन परिषद्को बैठकमा बासस्थन भत्किएर बिचल्ली भएकाहरूलाई राहतस्वरुप प्रतिघर ५० हजार रुपैयाँ दिने निर्णय गरेको हो ।
बैठकपछि राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख डा।अनिल पोखरेलले बुधबार मध्यन्हसम्म ५२ जनाको बाढी तथा पहिरोमा परेर निधन भएको बताउँदै तत्काल राहतका लागि सरकार लागि पर्ने बताए ।
बैठकमा प्रधानमन्त्री शेरबहादुर देउवाले गएको तीन दिनमा नेपालले भोग्नुपरेको घटना दुखद् भएको बताउँदै सबै सरोकारवाला निकायहरूलाई तत्काल राहत र उद्धारमा खटिन निर्देशन दिएको डा। पोखरेलले जानकारी दिए ।
प्रधानमन्त्री देउवाले बाढी, पहिरोले क्षति पुर्याएको स्थानमा आफैँ जाने तयारी गरेको समेत उनले बताए ।
