झापा। झापाको बिर्तामोड नगरपालिका ५ स्थितबाट ठूलो परिमाणमा भण्डारण गरी राखेको प्रतिबन्धित औषधीसहित अर्जुनधारा नगरपालिका ६ का २५ वर्षीय विनोद घिमिरेलाई प्रहरीले पक्राउ गरेको छ ।
घिमिरेले बिर्तामोड ५ स्थितमा कोठा भाडा लिई प्रतिबन्धित औषधीहरू भण्डारण गरी राखेको भन्ने विशेष सूचनाको आधारमा अस्थायी प्रहरी पोष्ट बसपार्क र इलाका प्रहरी कार्यालय अनारमनीबाट खटिएको प्रहरी टोलीले उनको कोठाबाट लागूऔषध बरामद गरेको हो ।
प्रहरीका अनुसार ट्रमाडोल एक लाख ३ हजार ८ सय क्यापसुल, ट्रमाडोल इन्जेक्सन १ हजार ८ सय ७० एम्पुल, ट्रमाडोल ४ हजार ५० ट्याबलेट, डाईक्लोमाईन ९७ हजार ट्याव्लेट, सिल्डेनाफिल ८ हजार ९ सय ट्याव्लेट, मिफिप्रिस्टोन एण्ड माईसोप्रोस्पल ७ हजार ६ सय ५० ट्याव्लेटसहित घिमिरेलाई पक्राउ गरेको हो ।
प्रतिबन्धित औषधीसहित पक्राउ परेका घिमिरेमाथि थप अनुसन्धान भइरहेको प्रहरीले जनाएको छ ।
