बिर्तामोडमा मोटरसाइकलले ठक्कर दिँदा लिम्बूको मृत्यु

बिर्तामोड । झापको बिर्तामोडस्थित पूर्वपश्चिम राजमार्गमा मोटरसाइकलले ठक्कर दिँदा पैदलयात्रीको मृत्यु भएको छ । हिजो राति ८ बजे भएको दुर्घटनामा गम्भीर घाइते भएका यामबहादुर लिम्बूको उपचारको क्रममा आज बिहान ०२ः४० बजे बिएन्डसी अस्पतालमा मृत्यु भएको हो ।

जिल्ला प्रहरी कार्यालय झापाका अनुसार बिर्तामोड(६ कुमारीचोकमा चारआलीबाट बिर्तामोडतर्फ आउँदै गरेको प्रदेश १–०१–०१३ प २८०९ नम्बरको मोटर साइकलले पैदलयात्री बिर्तामोड(६ बुट्टाबारीका ६२ वर्षीय लम्बूलाई ठक्कर दिएको थियो ।

ठक्कारबाट लिम्बूको टाउको र खुट्टामा चोट लागेको प्रहरीले जनाएको छ । उनलाई तत्काल बिएन्डसी अस्पताल ल्याएर उपचार भइरहे पनि आज बिहान मृत्यु भएको हो । प्रहरीले मोटरसाइकल चालक बुद्धशान्ति ४ का ३२ वर्षीय विकास लिम्बूलाई नियन्त्रणमा लिएर इलाका प्रहरी कार्यालय अनारमनीमा राखेको छ ।