बुद्धशान्तिमा पहिलो दिन १,४१३ जना नागरिकले लगाए खोप

तीर्थ तिम्सिना(पालिका सन्देश)- सरकारले उपलब्ध गराएको कोभिड १९ विरुद्धको भेरोसेल खोप झापाको बुद्धशान्ति गाउँपालिकामा पनि लगाइएको छ ।

५५ वर्षमाथिका नागरिकहरुलाई मंगलबारबाट लगाइएको खोपमा पहिलो दिन १ हजार ४ सय १३ जनाले लगाएका हुन् । खोप बुद्धशान्ति गाउँपालिका केन्द्र र शान्तिनगर स्वास्थ्यचौकीबाट लगाइएको थियो ।

जसमा गाउँपालिका केन्द्रबाट ७ सय ५५ जनाले र शान्तिनगर स्वास्थ्यचौकीबाट ६ सय ५८ जनाले खोप लगाएको गाउँपालिका स्वास्थ्य शाखाका प्रमुख भोला अधिकारीले बताउनुभएको छ ।

मंगलबार खोप लगाउन छुट भएका नागरिकहरुले बुुधबार लगाउन साकिने स्वास्थ्य प्रमुख अधिकारीले बताउनुभयो ।

खोपमा आउने ५५ वर्षमाथिका सबै नागरिकहरुले आफ्नो परिचय खुल्ने परिचयपत्र वा नागरिकता अनिवार्य लिएर आउनुपर्नेछ ।